• نوێ

    چەند مووشەكێك لە نزیك باڵیۆزخانەی ئەمریكا كەوتنە خوارەوە 

    بەغدا.. چەند مووشەكێك لە نزیك باڵیۆزخانەی ئەمریكا كەوتنە خوارەوە

     پێش كەمێك چەند مووشەكێك لە دەوروبەری ناوچەی سەوزی بەغدا و نزیك بارەگای باڵیۆزخانەی ئەمریكا لە عێراق كەوتنە خوارەوە. میدیاكانی عێراق ئاماژە بە دەنگی كەوتنە خوارەوەی دوو یان سێ مووشەك دەكەن لە نزیك ناوچەی سەوز، ئەمەش هاوكاتە لەگەڵ بەردەوامیی خۆپێشاندانەكانی بەغدا و شارەكانی تری باشووری عێراق. لەوەتەی دەستپێكردنەوەی خۆپێشاندانەكانی عێراقیش لەوەتەی ئۆكتۆبەری رابردووەوە، شەوانە دەنگی كەوتنە خوارەوەی مووشەك لە دەوروبەری ناوچەی سەوزی بەرپرسنشینی بەغدا دەبیسترێ و تا ئێستە ئاشكرا نەكراوە لەلایەن كێیەوە ئەم مووشەكانە ئاراستەی ناوچەكە دەكرێن. بە پێی زانیارییەكان، مووشەكی یەكەم كەوتووەتە ناو رووباری دیجلەوە و هیچ زیانێكی راستەوخۆی لێ نەكەوتووەتەوە، مووشەكی دووەمیش لە نزیك یاریگای بەغدا كەوتە خوارەوە لە دەوروبەری ناوچەی سەوز. جێی باسە ئەمشەویش لە بەغدا مانگرتن و خۆپێشاندانی بەرفرەوانی هاووڵاتیان بەردەوامە و خەڵك لە تاوەری چێشتخانەی توركی و گۆڕەپانی ئەلخەلانی و گۆڕەپانی تەحریر گردبوونەتەوە.
    • کۆمێنتی بلۆگەر
    • کۆمێنتی فەیسبووک
    Item Reviewed: چەند مووشەكێك لە نزیك باڵیۆزخانەی ئەمریكا كەوتنە خوارەوە  Rating: 5 Reviewed By: Hataw
    Scroll to Top