• نوێ

    کۆمەڵەی خێرخوازی کەرکوک داوای کۆمەک کردنی هەژاران دەکات.


    هەتاو-کەرکوک

    کۆمەڵەی خێرخوازی کەرکوک داوا لەهاوڵاتیان دەکات بەبۆنەی جەژنی نزیکبوونەوە قوربانەوە هاوکاری هەژارانی شارەکە بکەن.

    لەلێدوانێکدا بۆهەتاو محمد جاف ئەندامی کۆمەڵەی خێرخوازی کەرکوک ڕاگەیاند، ئێمه وەك کۆمەڵەی خێرخوازی کەرکوک ئەم 10 ڕۆژە هەڵمەتێك لەژێر درووشمی (#بە_ئەم_چەژنە_پێکەوە_دڵخۆش_بین) ئەنجام ئەدەین بەبۆنەی ئەم 10 ڕۆژەی سەرەتای مانگی (ذي الحج)ەوە، كەخێركردن لەم 10ڕۆژەدا زۆر پیرۆزه لەلای خودای گەورە، بۆيه کۆمەڵەی خێرخوازی دەتوانێت هاوكاری خەڵكی خێرخوازبێت بەگەیاندنی هاوكاریەكانيان بەكەسانی شايسته،كەبەڕاستی پێويستانه.

    محمد باسی لەوەش کرد، ئەم هەڵمەته لەڕۆژی هەینی ۲ـی ئابەوە دەست پێدەکات و ماوەی حەوت ڕۆژ دەخایەنێت و  ڕۆژی هەینی ۹ـی ئاب کۆتایی بەهەڵمەتەکە دێت، وتیشی، دەمانەوێت جل بۆ بێ باوكان بكڕین لەگەڵ خواردني بەيانی جەژنیان بۆدابین بکەین.

    هەروەها محمد داوای لەخوا پێداوانی شارەکە کرد، كه بەهانای منداڵانی بێ باوكەوه بڕۆن بۆئەوەی ئەوانیش لەم جەژنه بێ بەش نەبن، چونکە بەڕاستی ئەوانیش حەزيان دەكرد، کەباوكی خۆيان جلي جەژنیان بۆبكڕێت نەك خێرخواز بەڵام ئیتر خودای گەوره ئەو نيعمەتەی لەو منداڵە بێ باوکانە وەرگرتۆتەوە و داوامان لەخێرخوازان ئەوەیە، كەبەهانایانەوه بڕۆن.

    لەکۆتاییدا محمد جاف ئامادەیی کۆمەڵەکەی نیشاندا بۆهاوکاری کردنی خێرخوازان لەگەیاندنی هاوکارییەکان بەکەسانی کەمدەرامەت و ڕایگەیاند، هەر كەسێکیش ویستی، ئەوا دەتوانێت لەڕێی كۆمەڵەی خێرخوازی کەرکوکەوه ئەمانەتيیەكانيان بگەيننه جێی خۆی، وتیشی، كوڕانی كۆمەڵەی خێرخوازی کەرکوک بەوپەڕی متمانەوه و پشتیوان بەخوا ئەمانەتيیەكانيان دەگەينن بەجێی خۆی.

    دەتوانن لەڕێی ئەم ژمارانەوە هاوکارییەکانتان بەکۆمەڵەی خێرخوازی بگەیەنن تائەوانیش بیگەیەننە هەژاران.
    کۆڕەک: 07512024857
    ئاسیاسێڵ: 07701340934
    ئـ،و
    • کۆمێنتی بلۆگەر
    • کۆمێنتی فەیسبووک
    Item Reviewed: کۆمەڵەی خێرخوازی کەرکوک داوای کۆمەک کردنی هەژاران دەکات. Rating: 5 Reviewed By: asmiurnalist
    Scroll to Top