زانیاری لەسەرگۆڕی ئەم گۆڕستانانەی بێ ناون وەکەس سەردانی ناکات

زانیاری لەسەرگۆڕی ئەم گۆڕستانانەی بێ ناون وەکەس سەردانی ناکات

گۆڕستان ئەوشوێنەی مردوانی لێنێژرێت بەڵام ئەم گۆڕستانە وێنەکەی دانراوە جیاوازترە لەوانی کەو بەڵکوو هیچ کەسێک سەردانی ئەم گۆڕستانە ناکات لەشارەکانی هەولێر و سلێمانی دا بوونیان هەیەو بێ ناونیشانن ئارام حەمەسەعید چالاکوان لەبواری مافی ژنان و ئەندامی دەستەی دامەزرێنەری پرۆژەی ژن ژیانە مەیکوژە لەڵاپەرەی تایبەتی خۆی لەتۆری کۆمەلایەتی فەیسبووک بەم شێوەیە لەسەر ئەم گۆرستانە ئەنووسێت




ئەم گۆڕستانە تەرخان کراوە بۆ ژنە کوژراوەکان لە سلێمانی ، ھاوشێوەی ئەو قەبرسانە لە ھەولێریش ھەیە !!
ئەم گۆڕستانە لاشەی ئەو ژن و کچانەی لێئەنێژن کە بەبیانووی ناموسی کوژراون یان لاشەکانیان دۆزراوەتەوە بێ ناونیشان یان لە ئاوەکاندا یان لە قەد پاڵی شاخ و لە چۆڵەوانی و قەراخ ڕێگا و سەرەنوێلکەکاندا ..

چ داماڵینێکە لە مرۆڤایەتی و مۆراڵ بەم شێوەیە مرۆڤ حەقارەت و سووکایەتی پێبکرێت تەنانەت لە گۆڕستانێکی ئاسایشدا لەپاڵ لاشە ئاساییەکان نانێژرێن ، وەك ئەوەی بڵێن ئەم لاشانە پیس و گڵاون با تێکەڵی لاشەکانی ئەوانی تر نەبن ..

بەراست کاتی ئەوە نیە رێکخراوەکانی مافی ژنان و مافی مرۆڤ کۆمەڵی مەدەنی و چالاکەوانی ژنان و مەدەنی دەنگ ھەڵبڕن و کۆتایی بەم شەرمەزاریە بھێنن ..
نووسینی:ئارام حمەسعید


پێداچوونەوەداڕشتنەوەی :هەورامان خالید

7/03/2019