هەتاو میدیا-دهۆک
پاشنیوەڕۆی ئەمڕۆ لەسنووری پارێزگای دهۆک ڕووداوێکی هاتووچۆ ڕوویدا و بەهۆیەوە دوو هاوڵاتی بوونەقوربانی لێکەوتەوە.
سەرچاوەیەکی ئاگادار بەسایتی هەتاو میدیای ڕاگەیاند، پاشنیوەڕۆی ئەمڕۆ ڕووداوێکی هاتووچۆ لەسەر ڕێگای دهۆک-زاخۆ ڕوویدا و بەهۆیەوە دوو هاوڵاتی بوونە قوربانی.
لەلێدوانێکدا بۆسایتی هەتاو میدیا، ئێوەت کاکەیی خزمی قوربانییەکان، لەبارەی ئەو ڕووداوەوە بەسایتی هەتاو میدیای ڕاگەیاند، قوربانییەکان ژن و مێردێک بوونە و خەڵکی شاری کەرکوکن و کاکەیین و بەمەبەستی گەشت کردن بۆشارۆچکەی زاخۆ ڕۆیشتوونە و پاشان ویستوویانە سەردانی دهۆک بکەن بەڵام لەڕێگا تووشی ڕووداوی هاتووچۆ بوونە و گیانیان لەدەست داوە.
ئێوەت ناسنامەی قوربانییەکانی بۆسایتی هەتاو میدیا ئاشکراکرد و ڕایگەیاند، پیاوەکە ناوی (عامر خەیروڵا) بووە و هاوژینەکەشی ناوی(سەوسەن ڕۆکان)بووە.
ئـ.و
