• نوێ

    زەماوەندی دڕندەیی بـۆ؟

    زەماوەندی دڕندەیی بـۆ؟



    ـــــــــــــــــ
    زەماوەندی دڕەندەیی 
    نوسینی : فەلاح شاکر
    دەرهێنانی : شکۆعومەر کاکەڕەش

    شکۆ عومەر وەک شانزەی ئتکۆبەر بەشانۆیەکی تەمو مژاوی  شادی کردین  ، زەماوەندی دڕندەیی بۆ؟ 
    چونکە ئەم نمایشە لەدۆخێکی زیندوو نمایش کرا  دۆخێک هێشتا چەپۆکی دڕندەکانی ئەو زەماوەندە بەسەر ڕووخسارمانەوەیە ، دۆخێک هێشتا گوێمان لەدرووشم و هوتاقە قەبە و زل زلەکان ئەزرینێگنەوە ، شانۆ هونەرێکی زیندووە بۆ زیندووبونیشی پێویستە تێکەڵ بێ بەواقیعی ڕووداوەکانی ئێستا ، چون هەموو ئێستایەک هەبێتە ڕابردوو .ئەم نمایشەش لەئێستادا گرنگیەکی زۆری هەبوو . چون هێشتا گرێ کوێرەی ڕووداوەکان نەکراونەتەوە ،وەک چۆن شانزەی ئکتۆبەر تەم ومژاوی و ڕوداوێکی قوڵی هەمیشە زیندووە ، ئەم کارەی دەرهێنەر قوڵ و پڕ ڕەمز و نیازی نەزانراوی دیوە بینراوەکەیە.نەک بیناییەکە.

    کەرکوک کیژۆڵەیەکی بچکۆڵابوو ، لەمێژوویەکی تاریکەوە لەنێو قەڵایەک کە لەزەمەنی ئینگلیز و عوسمانی و بەعس وتورک بەئێستاکەشەوە بۆتەچەقی ململانێ سیاسی و عەسکەریەکان .
    لەحیواڕەکانی ئەکتەر سوزان ، بۆمان دەرئەکەوێت کە کەرکوک چ قوربانیەکی جەنگە کە هیچی بە ویستی خۆی نیە ، ماندووی ماندووەو  و ڕەنجەکەشی هەر بۆخۆی نیە ،

    "هەڵهاتن" 

    هەڵهاتن لەم نمایشەدا دەسپێک بۆ بۆ ڕۆچونە نێو  ڕووداوەکان  ، هەڵهاتن لەترسی کوشتن و زیندانی  هەڵهاتن لەترسی نیقاب و لاقەکردن و سەڕبڕین هەڵهاتن لە هەمووئازارەکان .

    "مێشوولە" 
    هەموومان چەشنە تەیرێکە لەشەوانەژیانی ڕۆژانەی دەست پێ ئەکات  بەمژینی ،خوێن ،
    دیار لە حیواڕەکانی سەرەتاییدا  ئەکتەر محمد عەبدوڵا ، درک بەو ڕاستیەئەکەین ، چۆن شار پڕە لەمێشوولەی گەورە لەخوێن مژ لەجەلاد بەڵام هەرگیزیش خەڵکەکەێ نایەنەوێ دەست هەڵگرن لەشارەکەیان و بگرە خۆشیشیان ئەوێ ،پێم وایە خەڵکی ئەم شارە مازۆخین پێیان خۆشە هەمیشە یەکێک خوێنیان بمژێ ،خوێنیان بڕێژێ ،ئازاریان بدە ،هەمیشە شەلاقەی جلادەکان بەسەریەنەوە بێ .

    "شوێن "
    دەستنیشانکردن و دروستکردنی قەڵا لەسەرشانۆ ، هەم  لەڕووی پایەم ئامێزی و هەم لەڕووی بنیاتنایشەوە قورسە .
    چونکە دروستکردنی دیکۆرێکی زەبەلاخی لەوچەشنە کە بەشێوەیەکی جوان و هاوشێوەی قەڵایی کەرکوک قورسە ،ئەمەش جێ دەست و توانا وئەزموونی تەواوی سینۆگرافیای کارەکەمان  بۆ دەردەخات "مەریوان زەنگەنە" کە زۆر بەئەقڵێکی پڕ دیقەت وبەوردی کاری  لەدیکۆر کردووە. بۆیە بەزۆربەباشی ڕۆڵی لەسەرکەوتنی نمایشەکەبینی .   هەروەهاش لەڕووی پایەمیەوە دەکرێ بڵێم ،قەڵا لەوەتەی هەیە شەڕی لەسەرئەکرێ. ،وەک لەوەی خۆشیان بوێ ، بەڵام لەناوقەڵاکەی شکۆ عومەردا ، ئاشنا ئەبین بەچیرۆکی خۆشەویستی کوڕ و دایکێک ، ،دایکێک کە هیچ نرخ و خۆشەویستی و بەهایەکی لەلای مناڵەکەی نیە ،  دایک کاتێک پیرۆزە کە دایکەیەتی بکات ،بەڵام ئەو دایکە هەرگیز  دایکەیەتی بۆ ئەم مناڵە نەکردووە ، هەرمناڵێک لەسۆزی دایکی بێ بەش بێ یا دەبێتە توندڕەوێکی لێ دەرئەچێ ،یا مرۆڤێکی کز وبێ هەستی لێ دەرئەچێ ،بەڵام  ئەم مناڵە ، بەهۆی باوکیەوە ، دەبێتە قوربانی و مەمەڵە بەشارێکی قوربانیکراوە ئەکا .  دایک لێرە هێندەی تاڵەکانی قژی  پارەی حەشاریەوە پارەی  فرۆشتنی شەرەف و خەونەکانی شار .  دایکێکە ترس پیر پیری کردووە . گەنجیش دەرئەکەوێ ، کوڕێکیش گەورە و توند و شێواو بەڵام مناڵێش دەرئەکەوێ. 
    دەرکەوتن لەم نمایشەدا لەگۆڕان بوو ، گۆڕانەکانیش پەیامئامێز و مانابەخشن . ئەمەش خۆی لەخۆیە جۆرە تەکنیکێکە بۆ زیاتر فرە بابەتی.

    "ڕووناکی "
    فرە ڕەنگی سەرشانۆ و جوڵە خێراکانی ڕووناکی ،
    دەرخەری هەموو ئەو توند و تیژی و شەڕوهەرای پەڕۆ و ئاڵا ڕەنگە و ڕەنگانەیە کە بەسەرقەڵاوە ئەکرێ ، لەکۆتایشە هەرئاڵایەک هەبێتە هۆی ڕووخانی پارچەیەک لەقەڵا ،
    بەهۆی فرە ڕەنگیەوە چاو ماندوونەدەبوو لەبینینی دیمەنەکان ، چونکەّ زۆرکات گشتگیری ڕووناکی و زۆر جوڵانی ڕووناکی زیان بەنمایش ئەگەینێ ، وەلێ لەمەشدا دەرهێنەر توانێ بووی هێز و کاریگەری ڕووناکی هاوسەنگ ڕابگرێت.

    "مۆزیک"
    زۆربەی دەرهێنەران  مۆسیقای بیانی بەکار دێنن بۆ دیمەنی شانۆگەریەکانیان ،تەنانەت هەنێک دەرهێنەر دەیانەوێ لەڕێگایٓ مۆزیکەوە کاریگەری بەسەر هەست و سۆزی بینەر دورست بکەن ،لەزۆربەی دیمەنەکان مۆزیکی زۆر دائەنێن بەڕایی من ئەم چەشنە کارەکلیپە نەک شانۆ. ، بەڵام لەمەشدا دەرهێنەر جیاواز کاری کردبوو مۆزیکی خۆماڵی بەکارهێنابوو   هاودەمی ڕووداوەکان مۆزیکی گونجاودانربوو بۆ حاڵەت و هەڵچوونەکردەییەکان ، هەڵبەت ئەو مۆسیقای نواندنی ئەکتەرەکانیشمان بیرنەچێت کە چلۆن بەوپەڕی گەشتن بە ترۆپکی ئێش و ئازاری کارەکتەرەکەیان نۆتەیەکی غەمگین و ڕیتمێکی لەسەرخۆ وەک لێدانی دڵی شاریان دروست کردبوو لەسەر ستیج کەدیارە ئەمەش ماندووبونی ڕاهێنەری نواندن " تاڕق ناسیح" ی  پێوە دیارە . لەکۆتاییدا ئەمە نوسینێکی سەرەتاییە و ڕوانینێکی سادەی منە ، ئەم ئیشە قسەی زۆر جدی و بابەتی قاڵ تر و درێژتر هەڵدەگرێت ،دڵنیام ئیشە  ماندووبونێکی زۆری پێوەکراوە چونکە مامەڵەکردن لەگەڵ کاری گەورە و جدی توانای خۆی ئەوێ ، ئیشی هەمووکەس نیە ،  ، بۆیە دەستی ماندووی بونی ستافی کار ئەگوشم ، هیوایارم دەرهێنەر و شانۆکار شکۆ عومەر ، بەردەوام بێ لەم چەشنە کارکردنەی ،چون خۆگووتەنی "شانۆ پاک کەینەوە لەوکەسانەی شانۆیان تا ئاستی ماڵەباجێنە سادەکردۆتەوە"


    بینەرێکی دڵسۆزت 

    "حەمەی شانۆ"
    • کۆمێنتی بلۆگەر
    • کۆمێنتی فەیسبووک
    Item Reviewed: زەماوەندی دڕندەیی بـۆ؟ Rating: 5 Reviewed By: Hataw
    Scroll to Top