• نوێترین بابەت

    منم سوتماکی ناپاڵم  

    ٫٫ منم سوتماکی ناپاڵم  ،،

    پرسیار لە هیچی من مەکە
    بەدوای دوا وڵامی 
    ئەو شک و گومانانەدا مەگەڕێ
    کە منی پێ ئەدۆزیتەوە
    ڕەنگە ئێستا دەستم لە ملی تەنیایدابێ
    ئەشێ چۆڵیم کردبێ بەیار و
    لەزەت لەگڤەی ئەو بایە وەرگرم
    کە شەکەتی ڕۆحم دەرەکات

    مەپرسە قیژە چۆن چەکەرە ئەکا
    دڵ چۆن ئەبرزکێ وناخ بۆ کۆڵەوارە
    دەرون چۆن بینەقاقەی ئەگیرێ
    مەجبورم مەکە بدوێم 
    ڕەنگە هێزم نەبێ بۆ حورمەتی وەڵام 
    لێم گەڕێ با هەرخۆم 
    ببمە سوتماکی ناپاڵم
    با هەر من مردن بچێژم 

    ئەترسم ئەوێ بە ئێرە تێ بگەم و
    ئێرەش بە شوێنێکی تر
    خەممە پێم نابێ 
    بە میلی سەعاتەکاندا
    چرکەم بۆ نەکرێ بە خولەک
    ڕۆژم بۆ نەکرێ بەساڵ و
    ڕوخساری باوکمم بیرچوبێتەوە
    ڕەنگە زەهایمەرم توش بوبێ .

    نووسینی عوسمان قادر

    بۆ ساڵ یادی بۆمباباران کردنی هەڵەبجە لەلایەنی ڕژێمی بەعسەوە ساڵی 1974 نوسیومە کە تێیدا کۆمەڵێ کە شەهید بوون .لە ناویاندا باوکی ئازیزم .

    • کۆمێنتی بلۆگەر
    • کۆمێنتی فەیسبووک
    Item Reviewed: منم سوتماکی ناپاڵم   Rating: 5 Reviewed By: Hataw
    Scroll to Top