• نوێ

    پۆلیسی فیدراڵی دەستبەسەرداگرتنی چوار بارەگای داعشی لە کەرکووک راگەیاند



    پۆلیسی فیدراڵی دەستبەسەرداگرتنی چوار بارەگای داعشی لە کەرکووک راگەیاند



    فەرماندەیی پۆلیسی فیدراڵی ئەنجامی هەڵمەتی گەڕان و پشكنینی شەش گوندی لە سنووری پارێزگای كەركووك راگەیاند و دەڵێت "دەستبەسەر چوار بارەگای داعشدا گیراوە".
    لە بەیاننامەیەكدا فەرماندەیی پۆلیسی فیدراڵی رایگەیاند، ئەمڕۆ بە بەشداری هێزێکی زۆری ئەمنی هەڵمەتێكی گەڕان و پشكنین لە گوندەكانی تارقیە، سەعدیە، بەتمە، سوسە، ملح و سنی زیئاب ئەنجامدراوە.

    لەو هەڵمەتەدا دژی چەکدارانی داعش، چەندین هێزی عێراقی بەشداربوون، لەوانەش "هێزەكانی سەر بە فیرقەی 6ی پۆلیسی فیدراڵی. لیواكانی 3 و 4ی كۆماندۆ، فەوجەكانی جەنگی شەوانە، گرووپێكی قەناسبەدەست، فڕۆكە بێفڕۆكەوانەكان و تیمی ئەندازەیی سەربە فیرقەی 6".

    فەرماندەیی پۆلیسی فیدراڵی دەڵێت "هێزە ئەمنییە هاوبەشەكان لەو هەڵمەتەدا دەستیانبەسەر چوار بارەگای چەكدارانی داعشدا گرتووە و بەتەواوی وێرانیانكردوون. سەرەڕای دۆزینەوەی چوار بۆمبی چێندراو، چوار تونێل و وێرانكردنیان كە چەكدارانی داعش بۆ خۆحەشاردان بەكاریانهێناوە. لەگەڵ دەستبەسەرداگرتنی چوار ماتۆڕسكیل، ژمارەیەك گوللـەهاوەن، كە بۆ دروستكردنی بۆمبی چێندراو بەكاردەهێندرێت".

    ماوەیەک شانە نوستووەکانی داعش لە ناوچەکانی حەویجە، دووبز، مەخموور جموجۆڵیان زیاتر بووە، هاوپەیمانان و هێزە عێراقییەکانیش دەڵێن، هێشتا مەترسی داعش ماوە.
    • کۆمێنتی بلۆگەر
    • کۆمێنتی فەیسبووک
    Item Reviewed: پۆلیسی فیدراڵی دەستبەسەرداگرتنی چوار بارەگای داعشی لە کەرکووک راگەیاند Rating: 5 Reviewed By: Hataw
    Scroll to Top