• نوێترین بابەت

    نرخی ئەرزو خانوو بەرزبووە

    نرخی ئەرزو خانوو بەرز بووە 



    یه‌كێتی‌ وه‌به‌رهێنه‌رانی‌ كوردستان رایده‌گه‌یه‌نێت نرخی‌ خانوو وزه‌وی له‌ هه‌رێمی‌ كوردستان به‌رزبوونه‌وه‌ی‌ به‌خۆیوه‌ بینیوه‌ و وته‌بێژی‌ یه‌كێتییه‌كه‌ش هۆكاره‌كانی‌ روونده‌كاته‌وه‌ ده‌شڵێت:ئه‌م كابینه‌یه‌ی‌ حكومه‌تی‌ هه‌رێم چه‌ند چاكسازییه‌كی‌ ئه‌نجامداوه‌ و به‌رهه‌مه‌كه‌ی‌ له‌كابینه‌ی‌ نۆدا ده‌رده‌كه‌وێت.
    یاسین مه‌حمود وته‌بێژی‌ یه‌كێتی‌ وه‌به‌رهێنه‌رانی‌ كوردستان له‌ لێدوانێكدا بۆSNNرایگه‌یاند: له‌ئێستا نرخی‌ خانوو و زه‌وی به‌راورد به‌چه‌ند مانگی‌ رابردوو به‌رزبوونه‌وه‌ی‌ به‌خۆیوه‌ بینیوه‌ و تاڕاده‌یه‌كیش بازاڕیان جوڵه‌ی تێكه‌وتووه‌، هۆكاره‌كه‌شی گۆڕانكارییه‌ له‌سیستمی پاشه‌كه‌وت و پێدانی‌ موچه‌یه‌ له‌كاتی‌ خۆیدا.
    رونیشكرده‌وه‌، له‌ئێستادا نرخی‌ زه‌وی و خانوو به‌راورد به‌پێشتر 30%زیادیكردووه‌،”به‌جۆرێك پێشتر ئه‌گه‌ر زه‌وی و خانویه‌ك نرخه‌كه‌ی‌ 40هه‌زار دۆلار بوبێت، ئێستا گه‌یشتۆته‌ 55بۆ 60 هه‌زار دۆلار” و وتیشی:هۆكاری‌ دیكه‌ی‌ ئه‌وه‌ی‌ بازاڕیان جوڵه‌ی تێكه‌وتووه‌ ئاساییكردنه‌وه‌ی‌ په‌یوه‌ندییه‌كانی‌ هه‌رێم و به‌غدا و كردنه‌وه‌ی‌ رێگای‌ هه‌ولێر كه‌ركوكه‌.
    ئاشكراشیكرد، چاوه‌ڕوانده‌كرێت دوای‌ پێكهێنانی‌ كابینه‌ی‌ نوێی‌ حكومه‌تی‌ عیراق و به‌شدارییكردنی‌ كارای كورد له‌پرۆسه‌كه‌ و ئه‌نجامدانی‌ هه‌ڵبژاردنی‌ په‌رله‌مانی‌ كوردستان و سه‌ركه‌وتنی‌ پرۆسه‌كه‌ نرخی‌ زه‌وی و خانووبه‌ره‌ گرانبوونی‌ زیاتر به‌خۆوه‌ ببینێت.
    راشیگه‌یاند:”كابینه‌ی‌ هه‌شتی‌ حكومه‌تی‌ هه‌رێم چه‌ند چاكسازییه‌كی‌ ئه‌نجامداوه‌ و به‌رهه‌می‌ ئه‌و چاكسازییانه‌ له‌كابینه‌ی‌ نۆدا ده‌رده‌كه‌وێت كه‌ به‌ فیعلی‌ حكومه‌ت ده‌یه‌وێت له‌رێی سێكته‌ری‌ تایبه‌ته‌وه‌ گه‌شه‌ به‌ئابوری‌ هه‌رێمی‌ كوردستان بدات”.
    • کۆمێنتی بلۆگەر
    • کۆمێنتی فەیسبووک
    Item Reviewed: نرخی ئەرزو خانوو بەرزبووە Rating: 5 Reviewed By: Hataw
    Scroll to Top