• نوێترین بابەت

    دەنگ بۆ تۆ ئەدەم


    دەنگ بۆ تۆ ئەدەم



    درەنگی شەوە
    بە شەقامەکانی شار دەسورێمەوە
    سەرنجی لافیتە بە لافیتە دەدەم
    لە هیچ دروشم و بەلێنێکیان
    نەنووسراوە تۆم بۆ دەگەڕێنەوە
    لەم دنیایە چی تر هەیە
    لە تۆ گەورەتر بۆم
    تا من دەنگی بۆ بدەم؟

    درەنگی شەوە
    لە تیڤی و رادیۆکان بێزاربووم
    کەناڵ و وێستەگاکان خەجالەت
    هورێنەیان کەڕی کردین، ئەلێن
    ئەوەی پێویستتە ئێستا منم
    بێ خەبەر لەوەی
    ئەوەی هەردوو دونیا
    پەیوەستم پێی
    تۆیت

    درەنگی شەوە
    هەر کۆڵان و رەنگێکی لەبەر کردووە
    هەر چی دار و دیوارە
    کەسێکی بەسەرەوەیە
    دەنگی ئەگاتە ئەوسەر
    کەچی لەم هەموو دەنگە
    من بیری دەنگی
    تۆ ئەکەم

    درەنگی شەوە
    لە شارێکی قەرەباڵغ
    پڕ بەڵێنی درۆ
    بیری بەڵێنی تۆم ئەکەوێتەوە
    لەم هەموو بێ بەڵێنیەی ئەوان
    من هێشتا بەڵێنەکانی تۆم لەبیرناچێتەوە

    درەنگی شەوە
    یادگاریەکان ئەکەمەوە کۆڵم
    بەرەو ماڵەوە رێ ئەکەم
    چوار ساڵی تر
    هەمان بەڵێن دەڵێنەوە
    نەئەوان دەیبەنە سەر
    و نەتۆش دێیتەوە


    یوسف إبراهيم




    • کۆمێنتی بلۆگەر
    • کۆمێنتی فەیسبووک
    Item Reviewed: دەنگ بۆ تۆ ئەدەم Rating: 5 Reviewed By: Hataw
    Scroll to Top