• نوێترین بابەت

    ساڵیادی مردنی نەوشیروان مستەفاو چەند پرسیارێك بۆ ڕۆشنبیرەكانی سلێمانی

    ساڵیادی مردنی نەوشیروان مستەفاو چەند پرسیارێك بۆ ڕۆشنبیرەكانی سلێمانی
    نووسینی: کاروان کەلاری

    •لەساڵیادی مردنی نەوشیروان مستەفادا دەپرسین: ئەم كابرایە بەدرێژایی پەنجا ساڵی تەمەنی جگە لە چاندنی ڕق و كینەو دروستكردنی دوو بەرەكی و تێكدانی سەنگەری خەباتكارانی خەباتی بزووتنەوەی ڕزگاریخوازی كوردو لە ئاخیری پیریشیدا جگە لە داهێنان كردن لە جنێودان و پەروەردە كردنی تاكی بێ ئینتیماو جنێودەر چی دەسكەوتێكی تری هەبووەو هەیەو ئێمە نایزانین؟

    •لەساڵیادی مردنی نەوشیروان مستەفادا دەپرسین: ئەم كابرایە پاسداری هێنا بۆ سەر بیرە نەوتەكانی كەركوك، ئەم كابرایە ئەندازیاری دروستكردنی حكومەتی خۆجێیی هەڵەبجە بوو بۆ ئێران و دانەری ”عبدالخالق” بوو بە قایمقامی هەڵەبجە كە كابرایەكی فارس بوو، ئەم كابرایە دەستوری فارسیی لەناو هەڵەبجەدا بڵاو كردەوەو پەیڕەوی دەكرد! ئەم كابرایە حكومەتی بەعسی ئیستفزاز كرد، بۆ ئەوەی وەكو كاردانەوەی ئەو كارانەی كە كردبووی خەڵكی هەڵەبجە كیمیاباران بكات! هەر ئەم كابرایە دروستكەری مەفرەزەی تایبەت بوو بۆ تەقاندنەوەی پردەكەی گوندی سازان، بۆ ئەوەی خەڵكی هەڵەبجە خۆیان دەرباز نەكەن و كیمیاباران بكرێن! دنیا دەزانێت حكومەتی بەعس وەكو كاردانەوەی ئەو كارانەی جەنابیان خەڵكی هەڵەبجەی كیمیاباران كردو دواتریش هەر مەفرەزە تایبەتەكەی ئەم كابرایە دەستی ئاوساوی ژنە كیمیاباران كراوەكانی هەڵەبجەیان بڕی و ئاڵتونەكەی دەستیانیان دزی و بردیان بۆ جەنابیان بۆ سەرگەڵوو بەرگەڵوو! ئێستا پێمان بڵێن: چۆن دەتوانن مێژووی ئەم كابرایەمان بە پاك پێ بفرۆشنەوە، لەكاتێكدا ئەمە مێژووەكەیەتی؟!

    •لەساڵیادی مردنی نەوشیروان مستەفادا دەپرسین: ئەم كابرایە ئەندازیاری هەڵگیرساندنی شەڕی ناوخۆ بوو، هەمووشمان دەزانین ئەو شەڕەی كە ئەم كابرایە سەپاندی بە سەر پارتیدا دەرەنجامەكەی جگە لە شەهیدبوونی دەیان هەزار ڕۆڵەی ئازاو كوڕە هەژاری ئەم میللەتە لەهەردوولا، هیچ سودێكی تری نەبوو و پارتیشی كرد بە هێزی یەكەم و بێ ڕكابەری كوردستان تا پەنجا ساڵی تر، ئێستا پێمان بڵێن: چۆن دەتوانن و لەسەر چی بنەمایەك و بەچی مەنتقێك نازناوی باوكی هەژارانتان بەم كابرایە بەخشیوە، لەكاتێكدا دەیان هەزار كوڕە هەژاری بە كوشتن داوە لە شەڕی ناوخۆداو گۆڕەكەشی لە زەوییەكی ”سێ سەدو پێنج هەزار” مەتریدایە؟!

    •لەساڵیادی مردنی نەوشیروان مستەفادا دەپرسین: ئەم كابرایە بە قەولی ئێوە دژی گۆڕو ئەو شتانە بووەو خاكی بووەو تاوەكو مردووە نان نەبووە بیخوات و باوكی هەژاران بوو! ئەی پێمان ناڵێن: ئەم چراخانەی بۆتان كردووە، جگە لە ڕیستۆرانت و ئوتێل، كوێی لە گۆڕی هەژارێك دەچێت؟!
    هەزارو یەك پرسیاری تریش، بەس تائێرە بەسەو هیوادارم بە لۆژیك وەڵام بدەنەوە، نەك بە جنێودان.
    كاروان كەلاری

    • کۆمێنتی بلۆگەر
    • کۆمێنتی فەیسبووک
    Item Reviewed: ساڵیادی مردنی نەوشیروان مستەفاو چەند پرسیارێك بۆ ڕۆشنبیرەكانی سلێمانی Rating: 5 Reviewed By: Hataw
    Scroll to Top