• نوێ

    مێگەلبوون لەناو مودیرنەدا

    مێگەلبوون لەناو مودیرنەدا ......
    نووسینی:لقمان بیارەیی

    لە كۆمەڵگە پێشكەوتووەكان , حیزب ناوچە شار هۆز تەنانەت ئایین و سەركردەش وەسیلەن بۆ گەیشتن بە ئێستایەكی باشتر بە ژیانێكی خۆشتر تەنانەت بۆ گەیشتن بە عەقڵ و داهێنانێكی باشتر و جوانتر , بەڵام لێرە هەموو شت ئامانجە نەك وەسیلە , بەناشیرینكردنی ئەویتر خۆی جوان ئەكات , بونی خۆی لەبوغزاندن و ڕەدكردنەوەی ئەویتردا براكتیزە ئەكات , لێرە كەمكەس بیرئەكاتەوە , زۆربەی بەدیار ڕابوردووە دەست بەئەژنۆ ئەگریێت و بە تەمای یەكێ ترە لەجیاتی ئەو بیربكاتەوە و بڕیار بدات .
    ئاخر كۆمەڵگە گەر خاوەن تاكێكی واعی لە سیاسەت بێت حیزب و سەركردە ئاڕاستە ئەكات نەك ئاڕاستەی بكەن , خۆشی ئەوێن نەك بیانپەرستێت , خۆی كاندیدەكان دەستنیشان ئەكات بۆ هەڵبژاردن نەك بۆی دەستنیشان بكەن .
    ئەزانی برالە گیان شین و شەپۆڕ بۆ مردویەك كە نەزانی بۆچی خۆشت ئەوێ كۆیلایەتیە یان نەزانی بۆچی ڕقت لێیە دیسان كۆیلایەتیە , دەنگدان بە كاندیدێك لەسەر ئەساسی چاوی بەل و سمتی بەرز لەسەر ئەساسی دیوەخان و تەسبیحی تڕژمێر لەسەر ئەساسی قیافە و مێزەر دیسان هەر كۆیلایەتیە , ئیتر پێت وانەبێت ئیللا بەڕوتی چوار مێخەت بكێشن و بەردێكی گەرم لەسەر سكت دابنێن ئەوجا كۆیلەی ! , ناااا ئەبێت بزانین هەموو ئەمانەو زۆری تر بە مێگەلكردنی ئێمەیە بە مودیرن و لە عالەمی عەولەمەدا .
    زۆرم پێ سەیرە ئەو هەموو قسە زلانە لە ڕاگەیاندنەكان و تۆڕە كۆمەڵایەتیەكان ئەبیستین كەچی ئەوە شیوازە دەنگدانەكەمانە , كەچی ئەوە شێوازی یادكردنەوەی سەركردە مردووەكانمانە ! ئاخر كە واقیعی حاڵ ئەمەیە ئیتر ئەم نمایشە سیاسی و سەقافیە چیە ?!
    هۆكاری شاردنەوەی ئەسڵی ناخی خۆمان چیە ?!
    شەرمە یا نەزانین یا ترس ?!
    خۆ ئەبێت ڕاوێژ لەگەڵ خودی خۆمان بكەین تا خۆمان ساغبكەینەوە هۆكار كامیانە تا بگەینە ئەو قەناعەتەی كە ئەوەی پێویستە ئەنجامی بدەین نابێت شەرمی لێبكەین وە ئەوەشی كە شەرمی لێئەكەین نابێت ئەنجامی بدەین .

    • کۆمێنتی بلۆگەر
    • کۆمێنتی فەیسبووک
    Item Reviewed: مێگەلبوون لەناو مودیرنەدا Rating: 5 Reviewed By: Hataw
    Scroll to Top