• نوێ

    لە دڵما جێت بۆ ڕا دەخەم


    لە دڵما جێت بۆ ڕا دەخەم

    ئه‌ی پاكژتر له‌ ئاسمانی
    ساماڵی پڕ له‌ ئه‌ستێره‌
    هه‌رچه‌ن دووری واده‌زانم
    هه‌مو ده‌مێ وای ئه‌لێره‌

    چه‌ند دووریشبی واده‌زانم
    ده‌ستت گرتوم بۆ پیاسه‌یه‌ك
    هه‌ست بەبۆنی خۆشت ده‌كه‌م
    له‌ گه‌ڵ هه‌مو هه‌ناسه‌یه‌ك

    جاروبارێ كه‌لێره‌ش نیت
    بانگت ده‌كه‌م له‌ خۆمه‌وه‌
    له‌ باده‌ی چاوی مه‌ستتدا
    شه‌رابی عیشق ده‌خۆمه‌وه‌

    شه‌وان ده‌نوم به‌تاسه‌ی تۆ
    پیلوی چاوانم داده‌خه‌م
    فه‌رامۆشت ناكه‌م ساتی
    له‌ دڵما جێت بۆ ڕاده‌خه‌م

    نووسینی :ڕێبوارقه‌ره‌حه‌سه‌نی

    • کۆمێنتی بلۆگەر
    • کۆمێنتی فەیسبووک
    Item Reviewed: لە دڵما جێت بۆ ڕا دەخەم Rating: 5 Reviewed By: hataw magazin
    Scroll to Top