• نوێ

    ناوی ئەوبەرپرس پەرلەمانتارانەی داوای مافی پەنابەریان لەکەنەدا وئەمەریکا کردوە

    ناوی ئەوبەرپرس پەرلەمانتارانەی داوای مافی پەنابەریان لەکەنەدا وئەمەریکا کردوە

    ژمارەیەك بەرپرس‌ و پەرلەمانتاری هەرێمی كوردستان، لە وڵاتانی (كەنەدا‌ و ئەمریكا) داوای مافی پەنابەریەتی دەكەن، كە دواهەمینیان، (زوڵفا مەحمود) ئەندامی پەرلەمانی كوردستان لەفراكسیۆنی گۆڕان‌ و سەرۆكی لیژنەی تەندروستی، لە سەرەتای ساڵی ٢٠١٨ داوایی مافی پەنابەریی لەوڵاتی (كەنەدا) كردووە.

    (زوڵفا مەحمود)، بەر لەجێهێشتنی هەرێمی كوردستان، لەرۆژی ١٦ی ١٢ی ٢٠١٧ داوای دەستلەكاركێشانەوەی ئاراستەی پەرلەمان كردوە بەبێ ئەوەی هۆكارەكانی ئاشكرا بكات، بەڵام داواكەی ڕەتكراوەتەوە.

    (بێگەرد تاڵەبانی)، سكرتێری پەرلەمان ڕایگەیاند “ئەو پارلەمانتارە لەچوار دانیشتن غیاب دراوەو فراكسیۆنەكەی ئاگادار كراوەتەوە”.

    ئەوەش زانراوە کە (زوڵفا مەحمود عەبدوڵا) لەكەنەدا منداڵیشی بووە‌ و هێشتا لەو وڵاتەیە.

    بەهۆی دواكەوتنیشییەوە، سەرۆكایەتی پەرلەمانی كوردستان داوای لەفراكسیۆنی گۆڕان كردوە رونكردنەوەی لەو بارەیەوە پێ بدات، بۆ ئەم مەبەستەش نوسراوێكیان داوەتە فراكسیۆنی گۆڕان‌ و داوای لێدەكات ڕونكردنەوە لەسەر سەردانی ئەو پەرلەمانتارەی فراكسیۆنەكەیان بدات.

    بەپێی زانیارییەكان، تائێستا سەرۆكی فراكسیۆنی گۆڕان هیچ زانیارییەكی لەسەر نوسراوەكەی سەرۆكایەتی پەرلەمان نەداوە بە فراكسیۆنەكەی‌ و پەرلەمانتارانی حزبەكەی لێ ئاگادار نەكردۆتەوە.

    زوڵفا مەحمود، ساڵی‌ ١٩٨١ لەپشدەر لەدایكبووەو بڕوانامەی‌ ماستەری لە‌پەرستاریدا هەیەو سەرۆكی لیژنەی تەندروستیە لەپەرلەمانی كوردستان.

    ئەمە دووەم پەرلەمانتاری هەرێمی كوردستانە لەماوەی كەمتر لەساڵێكدا داوای مافی پەنابەرێتی لەوڵاتی كەنەدا دەكات. پێشترو لەكۆتایی‌ مانگی پێنجی ساڵی رابردوو، (گۆران ئازاد) ئەندامی پەرلەمانی كوردستان لەفراكسیۆنی یەكێتی داوای مافی پەنابەری لەهەمان وڵات كردووە.

    بەهەمان شێوەش (سیروان زەهاوی)، سەرۆكی لیژنەی چاكسازی دەرمان لەسەرۆكایەتی هەرێم، بەبیانووی هەڕەشەی وەزیرێكی حكومەتی هەرێمی كوردستان لەسەر پشكی پارتی خۆی‌ و خێزاكەی ساڵی پار داوای مافی پەنابەریەتی لەوڵاتی كەنەدا كردوە.

    هەر بەپێی زانیارییەكان، (د.سلێمان جەعفەر)، هەڵسواری دیاری گۆڕان لەهەولێر و ئەندامی ژووری توێژینەوە لەبزوتنەوەی گۆڕان، لەساڵی ٢٠١٦ هەرێمی كوردستان جێهێشتووە‌ و ئێستا لەوڵاتی كەنەدا بەخۆی‌و هاوسەری‌و چوار منداڵی مافی پەنابەریەتیان وەرگرتووە.

    لەناوەڕاستی ساڵی ڕابردووش (ئەیوب سەڵاحەدین بەهائەدین)، كوڕی ئەمینداری گشتی یەكگرتوو لەسەر داوای باوكی چۆتە دەرەوە و پار ساڵیش لەوڵاتی كەنەدا داوای مافی پەنابەریەتی كردووە.

    لەماوەی دوو ساڵی ڕابردوو ژمارەیەك لە (چالاكوان‌ و نووسەرو رۆژنامەنووس‌ و شاعیر) هەرێمی كوردستانیان جێهشتووەو زۆربەشیان لەوڵاتی كەنەدا داوای مافی پەنابەریەتیان كردووەو لەم وڵاتە گیرساونەتەوە.

    • کۆمێنتی بلۆگەر
    • کۆمێنتی فەیسبووک
    Item Reviewed: ناوی ئەوبەرپرس پەرلەمانتارانەی داوای مافی پەنابەریان لەکەنەدا وئەمەریکا کردوە Rating: 5 Reviewed By: hataw magazin
    Scroll to Top