له‌شی مرۆڤ توانایی دروست كردنی ڤیتامینی نیه
ڤیتامین
له‌شی مرۆڤ توانایی دروست كردنی ڤیتامینی نیه هه‌رچه‌نده ڤیتامین ڕۆڵێكی گرنگ ده‌بینێت له له‌شی مرۆڤدا ، بۆیه زانایانی ئه‌م بواره هانمان ده‌ده‌ن كه خۆراكه پڕ له ڤیتامینه‌كان به گشتی بخۆین ڤیتامینه‌كان چه‌ند جۆرێكیان هه‌یه بۆیه به ناوی پیته‌كانه‌وه ناونراون ، بۆ یه‌كه‌م جارله ساڵی 1881ز زانای ڕوسی (لونین ) هه‌ستا به دروست كردنی شیری ده‌ست كرد دواتر دای به كۆمه‌ڵه مشكێك بینرا كه مشكه‌كان مردن لێره‌وه بۆیان ده‌ركه‌وت كه خۆراكی سروشتی مادده‌ی تریی تێدایه كه بنچینه‌یه بۆ له‌شی زینده‌وه‌ر ، به‌هۆی ئه‌و پێشكه‌وتنه‌ی كه زانست پێی گه‌یشتووه ئێستا له پیشه‌سازیشدا ڤیتامین به‌رهه‌م ده‌هێنرێت كه‌واته ده‌توانین ڤیتامین له دوو ڕیگه‌وه وه‌ربگرین رێگای سروشتی كه خۆراكه پڕ ڤیتامینه‌كان بخۆین یان ده‌ستكرد كه له پیشه‌سازیدا به‌رهه‌م دێ .
به‌هیوای سوود
ئاماده‌كردنی : هێمن مجید
