• نوێ

    موقتەدا سەدر ئامادەباشی تەواومان هەیە بۆرزگارکردنی کەرکوک

    موقتەدا سەدر سەرۆکی ڕەوتی سەدر ئەمڕۆ چوار شەممە ڕایگەیاند، ئامادەباشی تەواویان هەیە بۆ ڕزگارکردنی کەرکوک لە دەستی تیرۆر و ململانێی سیاسی و تایفی.

     موقتەدا سەدر لە وەڵامی یەکێک لە شوێنکەوتوانیدا کە لە ڕاگەیەندراوێکدا بڵاویکردووەتەوە، سەبارەت بەو هێرشانەی کە لەسەر ڕێگای کەرکوک بەغدا دەکرێنە سەر هاووڵاتییان و ڕێبوارانی ئەو ڕێگایە و هەموو جارێکێشی ڕێکخراوی داعش بەرپرسیارێتی خۆی لە هێرشەکان  ڕادەگەیەنێت، ووتی، "ئێمە لەوپەڕی ئامادەباشیداین، بەتایبەت لەکاتێکدا هەست بە کەموکورتی حکومەت دەکرێت لەو ڕوەوە".

    موقتەدا سەدر لە بەشێکی تری وتەکانیدا جەختیکردووەتەوە "لە ئامادەباشی تەواوداین بۆ ڕزگارکردنی کەرکوک لە دەستی تیرۆر و ململانێی تایەفی سیاسییەکان".

    ئەوە لەکاتێکدایە حەیدەر عەبادی سەرۆک وەزیرانی عێراق ڕۆژی سێشەممە ٢٧ی ئازار ڕایگەیاند، پرۆژەی دابەشکردنی عێراق ڕانەوەستاوە و فەرمانیشیکردووە بە بڵاوکردنەوەی هێزی ئەمنی زیاتر لەسەر ڕێگای داقوق دووزخورماتوو.

    عەبادی لە کۆنفرانسی هەواڵی هەفتانەی خۆیدا ڕایگەیاند، پرۆژەکانی دابەشکردنی عێراق ڕاناوەستێت و داعش یەکێکبووە لەو پرۆژانە و حکومەت ئەرکی دارایی گەورەی کەوتووەتە سەر شان لە پرۆسەی ڕزگارکردن تا ئەوکاتەی کۆتایی دێت.

    سەبارەت بە شاری کەرکوکیش عەبادی وتی "فەرمانمانکردووە بە بڵاوکردنەوەی هێزی زیاتر لەسەر ڕێگای دووزخورماتوو، و هەوڵی زۆری دوژمنمان تێکشکاندووە و پوچەڵکردووەتەوە".

    ئەوە لەکاتێکدایە لە ماوەی ڕابردوودا چەکدارانی داعش بەرپرسیارێتی خۆی ڕاگەیاند لەو زنجیرە هێرشانەی کە لەسەر ڕێگای کەرکوک و بەغدا و نێوان دووزخورماتوو داقوق.

    • کۆمێنتی بلۆگەر
    • کۆمێنتی فەیسبووک
    Item Reviewed: موقتەدا سەدر ئامادەباشی تەواومان هەیە بۆرزگارکردنی کەرکوک Rating: 5 Reviewed By: hataw magazin
    Scroll to Top