• نوێ

    خەتات نیە

    خەتات نیە
    ئەوە منم چەکوش ئەدەم
    بە ئەژنۆما
    ئەوە منم خەنجەر ئەکوتم
    بەسەر دڵی هەنجن بووما

    خەتات نیە
    هەر چوار پارچەی نیشتمانم
    ژێر دەستەت بێ
    خەتات نیە

    ئەوە تۆنی
    سەدەیەکە..
    پەراسووەکانم دەهۆنی!

    ئەوە تۆنی
    چەندین ساڵە خوێنم دەخۆی
    چەندین ساڵە..
    بەسەر لاشەی شەهید بووما
    دەڕۆی.

    ئەوە من و
    ئەوە..
    پەنجەیەکی شەهادەم و
    ئەوە بیست و حەوت ساڵ،
    دەسەڵاتێکی بێ بن و
    سەردارێکی گرگنە.

    خەتات نیە
    ئەوە تۆ نیت
    ئەوە منم..
    بۆ گیانی خۆم دوژمنم.

    ڕێبین حەوێز

    • کۆمێنتی بلۆگەر
    • کۆمێنتی فەیسبووک
    Item Reviewed: خەتات نیە Rating: 5 Reviewed By: hataw magazin
    Scroll to Top